30-Nov-2021 لیکھنی کی دل کی بربادی کا
دل کی بربادی کا کوئی سِلسلہ پہلے سے تھا
اِس چراغِ شب پہ الطافِ ہَوا پہلے سے تھا
اُس کے یُوں ترکِ مُحبّت کا سبب ہو گا کوئی
جی نہیں مانتا وہ بے وفا پہلے سے تھا
دونوں اپنی زندگی کے جَھٹپٹے میں ہیں مگر
اِس طرح مِلنا مُقدّر میں لِکھا پہلے سے تھا
اب تو زخمِ دل نمک خوارِ توجّہ ہے تِرا
نام پر جاری تِرے حرفِ دُعا پہلے سے تھا
راستہ بُھولا نہیں اب کے پرندِ خوُش خبر
اور کُچھ اُجڑا ہُوا شہرِ سَبا پہلے سے تھا
تیرے آنے سے تو بَس زنجیر ہی بدلی گئی
ہم اَسیروں پر جَفا کا باب وَا پہلے سے تھا
پروین شاکر
